LEGO「Build To Give」發放愛心親子社區導賞團
LEGO 香港邀請「街坊帶路」合作推出第一個 LEGO「Build To Give」親子社區導賞團，以行動張愛心同關心發放到社區。導賞團令父母同小朋友一齊重新認識社區，以趣味玩樂嘅角度令小朋友探索玩樂嘅可能性。參加者更會同團中其他參加者互動，齊齊以 LEGO 顆粒砌出佢哋嘅玩樂創意。活動亦會延續「Build To Give」嘅傳統，邀全城一齊拼砌同捐出心心，而 LEGO 香港亦會捐贈盒組比社區入面嘅小朋友，喺佳節日中以唔同形式張愛心傳遞開去！
LEGO「Build To Give」活動詳情
參加者會以步行形式，由小朋友嘅「玩樂」角度出發，以三條路線遊覽香港、九龍同新界，了解各地區嘅變遷同玩樂故事。導賞員將穿梭古今，為小朋友分享每個平凡地點背後嘅小故事同唔同玩樂趣味。例如：參加者將會探索觀塘海濱橋墩巨型壁畫，認識「藝術設計之樂」；到訪沙角邨認識昔日鄉村兒童休憩空間，感受「自然探索與戶外遊戲之樂」，甚至喺參觀石塘咀電車總站，發掘「汽車與交通迷之樂」！每條路線點充滿玩樂元素之餘，參加者仲會同團中認識嘅新朋友合作，一齊利用LEGO 顆粒建構心目中「最好玩」公園，喺玩樂同時打破鄰里間嘅隔膜。
LEGO「Build To Give」日期及時間
1. 西環
- 12月7日：2:30-5:30pm
- 12月21日：10am-1pm
2. 觀塘
- 12月8日：10am-1pm
- 12月14日：10am-1pm
3. 沙田
- 12月1日：10am-1pm
- 12月15日：10am-1pm
對象：親子家庭
費用：免費（導賞團中乘搭公共交通工具自費；報名時須付訂金$100，參與導賞團結束後歸還）
語言：廣東話
名額：每團12個家庭 (每個家庭之參與人數為1位家長連同1位4 – 12歲以下小朋友) （額滿即止，其後會開放候補名額表格）
截止報名日期及時間：活動前一星期的星期三 11:59pm
報名須知：
- 所有活動名額有限，先到先得，額滿即止。
- 參加者若成功報名，將會收到確認通知。
- 請參加者於活動場次開始前15分鐘到達集合點作報到。未有按時到達者， 視為未能出席是次活動。
- 建議參加者穿著輕便衣服及運動鞋參與活動。
- 全程步行時間較多，需要一定的體力，報名前請衡量個人的身體狀況。
- 建議帶備3.5mm有線耳機，以連接導賞機。
- 導賞團會有傳媒或大會攝影師隨團拍攝，所拍攝照片會作報導及宣傳用途。
關於 LEG「Build to Give」
「Build to Give」活動一直鼓勵大家以顆粒拼砌心形掛飾，並轉贈於社區嘅其他小朋友；活動使命喺將愛同快樂喺普天同慶嘅聖誕佳節傳遞出去。所以，導賞團會喺香港小童群益會各區嘅中心作結。參加家庭將會拼砌心形掛飾，掛上中心嘅聖誕樹，將歡樂送贈予社福機構嘅小朋友作為旅程嘅完結。
