Alto Adige （上阿迪傑）葡萄酒產區位於阿爾卑斯山陡峭嘅山坡上面，以芬香嘅白酒、高貴嘅紅酒同香醇嘅甜酒而聞名。
又到聖誕，又到聖誕～相信大家都已經準備好喺屋企擺棵聖誕樹，掛上裝飾，度過一個美好嘅聖誕。不過講起聖誕節，又點少得聖誕大餐呢？無論你係計畫整返餐豪華嘅火雞盛宴，定係炮製節日甜品，又或者舉辦一場 cocktail party，想玩得盡興嘅各位愛酒之人就梗係需要飲返杯靚酒賀一賀啦。而如果你今年想試吓啲與眾不同嘅美酒嘅話，咁地中海 Alto Adige 上阿迪傑區嘅葡萄酒就啱晒你嘞！
為 Alto Adige 飲勝！
喺意大利同奧地利邊境附近嘅 Alto Adige 葡萄酒產區有一啲小酒莊，全部都係由一班酷愛美酒嘅人去細心經營。Alto Adige 位於陽光明媚嘅阿爾卑斯山坡同溫暖怡人嘅地中海山谷交匯嘅地方，所以佢擁有獨特嘅土壤同氣候，成為20幾種提子嘅生產地。呢個地區出名有清香嘅白酒、優雅嘅紅酒同濃醇嘅甜酒，而幾乎所有呢啲嘅葡萄酒都獲意大利法定產區（Controlled Designation of Origin，DOC）認證，絕對有品質保證。
為你嘅節日盛宴準備 Alto Adige 葡萄酒
想搵返幾支靚酒嚟配你嘅聖誕大餐？Alto Adige 地區出產嘅葡萄酒種類咁豐富，一定會有啱你心水嘅！計劃喺平安夜舉行意大利七魚宴嘅你，可以試試 Alto Adige 嘅 Pinot Noir（黑皮諾）。呢種酒唔單止酒體豐滿圓潤，仲帶有濃郁嘅果香，同任何意式料理都好襯㗎，包括魚類。另外，Alto Adige 嘅 Sauvignon Blanc （長相思）就具有醋栗、熱情果、接骨木果同黑醋栗嘅韻味，配上魚類、蔬菜或者羊奶芝士，簡直堪稱一絕！而 Alto Adige 嘅 Pinot Blanc （白皮諾）就以清新嘅果味著稱，尤其係蘋果、梨同檸檬嘅清香較為顯著。因為呢種酒有一定嘅酸度，飲起上嚟比較清爽，所以特別適合配搭開胃菜同海鮮。
如果你鐘意食火雞嘅話，Alto Adige 嘅 Chardonnay（霞多麗）就係你嘅不二之選！呢種酒充滿果香，有菠蘿、香蕉、蘋果、梨同柑橘類水果嘅味道，同時又帶有雲呢拿同牛油嘅香味，一切相輔相成，配白肉同意大利菜簡直一流。而計劃食烤排骨嘅各位，就可以試試 Alto Adige 本土特產嘅 Lagrein。以呢個品種嘅提子製成嘅酒好似絲絨一樣咁柔和順滑，但係同時又帶有少少辣度，非常之特別，所以 Lagrein 配野味、牛肉同熟成芝士都好夾㗎。Alto Adige 另外仲有出產 Merlot（梅洛），酒體飽滿得嚟味道柔和，散發出黑莓、黑醋栗、布冧同辛香料濃郁嘅香味，啱配小牛肉、野味、牛肉同熟成芝士。
最後，如果你諗住煮汎亞美食，又鐘意飲白酒嘅話，就一定要飲返杯 Gewürtztraminer（瓊瑤漿）— 小編嘅至愛！呢種酒帶有熱帶果香、辛香料味同豐富嘅質地，同亞洲菜嘅各種風味都相得益彰。
Alto Adige 節慶推廣活動
Alto Adige Wines 正喺全港一系列嘅餐廳舉辦期間限定嘅活動！呢啲餐廳包括：Osteria 意大利餐廳、Gaia Ristorante、Divino Patio、121BC、Le Moment、Amelia、Octavium、九鬼居酒屋、金牛苑法式越南菜、Beefbar、Radical Chic，同都爹利會館。由而家起至2021年12月31號，每間餐廳都會推廣兩種 Alto Adige 嘅靚酒，你可以揀飲返杯，或者買一支。活動期間，你會試到 Alto Adige 唔同酒莊嘅出品，例如 Alois Lageder、Elena Walch、Falkenstein、Cantina Terlano、Nals Margreid 等。
追蹤 Alto Adige Wines 嘅 Instagram 同 Facebook 了解更多
此帖由 Alto Adige Wines 贊助
