風靡全球嘅 CBD 究竟係咩？又有咩 CBD 產品值得試？我地一一為你解答
由決定下一餐食乜、點約女神出街，到對住老細、準備搬屋，香港人總係壓力爆煲！需要放鬆一下嘅你，最近一定有聽過 CBD。不過，相信大家第一個反應都係：「吓？大麻？！」的確，大麻出咗名係毒品。咁就奇啦，點解呢排 CBD 會風靡全球，甚至殺到嚟香港呢？隨著世界對 CBD 嘅需求不斷增長，我哋一於睇吓 CBD 到底係乜，同埋喺香港邊度可以買到最好嘅 CBD 產品啦～
CBD 究竟係咩？
CBD 係 cannabidiol（大麻二酚）嘅俗稱，而大麻二酚就係喺大麻植物入面提取嘅一種活性成分。雖然好多人都以為 CBD 同大麻係同一樣嘢，但其實佢哋本質上係唔同嘅。一份世界衛生組織審查報告指出，CBD 唔會好似大麻一樣令到人 high，亦都冇證據表明有潛在濫用嘅風險。CBD 反而有一啲已經證實嘅好處，例如緩解肌肉疼痛、減少焦慮、對抗痘痘，甚至可以用喺癌症治療。不過，亦都有少部分 CBD 使用者表示，可能會出現抑鬱、頭暈、低血壓等嘅副作用。
CBD 喺香港合唔合法？
目前，CBD 喺香港係合法嘅，因為佢唔受《危險藥物條例》禁止。而本地嘅 CBD 賣家亦都一定需要獲得政府嘅相關許可，證明佢哋嘅產品冇含有受禁嘅四氫大麻酚 (THC) 先可以合法銷售㗎。
喺香港邊度可以買到 CBD 產品？
1. Swiss FX
Swiss FX 嘅 CBD 口服滴劑（俗稱 CBD 油）來自瑞士天然山區，由人手採摘嘅有機大麻製成，而且擁有瑞士最高規格 Bio Suisse 有機認證。 呢個品牌喺 2019 年首次推出 5%、15% 同 30% CBD 口服滴劑之後，迅速成為歐洲最受歡迎嘅 CBD 品牌之一。另外，每種產品都經過純度測試，喺分銷之前亦都會再俾第三方實驗室仔細測試，值得信賴。除咗價錢實惠，喺香港仲提供免費送貨添！
立即到 Swiss FX 官網購買
2. Conspiracy Chocolate
鍾意朱古力嘅各位有口福喇！本地朱古力品牌 Conspiracy Chocolate 嘅純素 CBD 朱古力係手工製造，含有 75% 可可、100mg CBD 同埋大麻籽。呢個完美嘅組合除咗超好食之外，仲具有 CBD 獨特嘅抗炎功能添。
立即到 Conspiracy Chocolate 官網購買
3. Found
最近喺上環開業嘅 Found，提供各式各樣注入咗 CBD 嘅新鮮咖啡、糕點、飲料同朱古力。 作為香港第一間 CBD 咖啡店，Found 鼓勵顧客同員工一齊了解多啲有關植物療法的資訊。 Found 亦都會銷售其他品牌嘅口服滴劑、膠囊、面霜同其他 CBD 產品。
Found，上環大安臺8號地下A號舖，電話：5288 2281
4. Oh CBD Beer
Oh CBD Beer 係一個專出 CBD 啤酒嘅香港品牌。 Kush IPA 係佢哋最受歡迎嘅啤酒之一，酒精濃度只有3.5%，好易入口，但係就含有 20mg CBD，絕對唔馬虎。令 Oh CBD Beer 咁受寵愛嘅另一個原因，無非係佢哋吸睛嘅標籤設計，令到每批啤酒都顯得獨一無二。
雖然 Oh CBD Beer 產品時不時缺貨，但偶爾亦都會搞 pop-up 同推出期間限定嘅口味，所以記得關注佢哋嘅社交媒體，兼留意 HK Brewcraft 網店平台喇。
5. Saint Jane Beauty
屢次獲獎嘅 Saint Jane Beauty 致力於通過可持續嘅植物配方治愈同埋舒緩肌膚。佢哋嘅 Luxury Body Serum 含有 28 種植物、CBD 同埋果酸，可以用嚟做沐浴油，或者喺沖涼之後搽喺身上面，令到皮膚更加柔軟、容光煥發。另外，Saint Jane Beauty 仲提供免費送貨同退貨添！係咪即刻心郁郁呢？
立即到 Saint Jane Beauty 官網或連卡佛專櫃購買
[此列表由 Honeycombers 編輯團隊策劃，可能包含廣告。]
