臨近農曆新年同情人節，想買別緻嘅水仙、劍蘭同玫瑰？以下嘅香港花店會幫你一年365日都展示到最燦爛嘅花卉！
無論你係為咗農曆新年應節、為情人節作準備，定係純粹想裝飾吓自己嘅屋企或者 office，以下嘅香港花店同店主們製造嘅花束都會為你嘅生活增添色彩。
香港花店推介：裝飾、送花，應有盡有
1. Pollen
位於 Soho 嘅香港小花店 Pollen 可以為任何場合創造出獨特多彩嘅花束。除咗婚禮花球同月花服務之外，我哋都鍾意呢度有唔同大小同形狀嘅花瓶同花罐選擇。相信任何人如果收到由 Pollen 訂造嘅花，都一定會心花怒放呀！
Pollen：中環士丹頓街52A號
2. Bydeau
如果你喺度搵緊可以即刻幫你送花嘅香港花店，Bydeau 就係你嘅不二選擇，因為呢間花店可以喺你落單嘅同一天，為你送抵花束。另外，Bydeau 亦都提供月花服務，俾你一年四季都可以欣賞到絢麗嘅鮮花。
Bydeau：上環永樂街235號1C號舖
3. The Floristry
無論您定係收花嘅對象鍾意啲咩顏色同風格嘅花卉，The Floristry 都會為你兌現並且順利送達。只要你揀好自己想要嘅花，再揀埋心儀嘅器皿，花店就會幫你完成剩低嘅程序。如果你想要啲可以保存得耐啲嘅產品，你亦都可以考慮 The Floristry 一系列嘅花香蠟燭。
The Floristry 喺上環同錦田都有分店。
4. Ellermann
香港花店 Ellermann 可以話係優雅奢華嘅代名詞！由配有玫瑰香檳同松露巧克力的豪華花籃，到滿載當季花朵嘅鐘形罐，Ellermann 絕對係你揀選精美禮物時嘅首選花店之一。
Ellermann 喺香港有幾間分店。
5. Flannel Flowers
成立於1994年嘅 Flannel Flowers 係一間同 LV、卡地亞等知名品牌合作嘅豪高級花店。呢間花店善於利用嚟自世界各地嘅鮮花去製作出風格各異嘅花束。無論係簡約可愛嘅小花，定係神秘高冷嘅花束，喺 Flannel Flowers 都應有盡有。
Flannel Flowers 喺中環同銅鑼灣都有分店。
6. 御花店
御花店係香港一間線上花店，唔單止能夠提供免費送貨服務到九龍同港島區，團隊製作嘅花籃、裝飾品、禮籃等都十分之精美。只要你向店員描述你想要嘅花束，佢哋就會為你打點好一切。
御花店：黃埔民裕街36-40號榮業大廈1樓B1室
7. Flower Chimp
想氹人開心？送花同朱古力實冇錯啦！Flower Chimp 精美嘅花束同產品之中，佢嘅 Trinity Boxes 就係最大嘅亮點：頂層包含各種鮮花，下層嘅小櫃桶就擺滿咗金莎朱古力，賞心悅目之餘，仲可以滿足嗜甜嘅你。另外，Flower Chimp 嘅 Fresh Love 同 Elegant Twist 等嘅花籃都幾受歡迎㗎。
了解更多關於 Flower Chimp。
8. Far East Flora（遠東花卉有限公司）
想藉著今個情人節向心儀嘅對象表白？Far East Flora 嘅99朵玫瑰就係告白必備！除咗表達你永恆嘅愛之外，你仲可以喺花店自訂手捧花，保證獨一無二。
Far East Flora：葵涌華星街16-18號保盈工業大廈20樓A室
9. van der Bloom
從簡樸嘅色調到大膽嘅色彩，van der Bloom 都會有適合你或者你對象嘅豔麗花朵。你只要喺網上訂製產品，就會有送花服務。你亦都可以直接去佢位於中環嘅店鋪自取花束，非常方便。
van der Bloom：中環荷李活道61號地舖
10. 花粉熱
雖然花粉熱喺中環有間分店，但喺佢位於旺角花墟嘅旗艦花店兼咖啡店仍然係最啱賞花同放鬆嘅地方。先睇啱自己鍾意嘅花，再喺一片芬芳嘅環境之下享用咖啡，簡直係一流嘅享受！
花粉熱喺旺角同中環都有分店。
