試咗幾間髮型屋都冇一間啱心意？要搵一個自己鐘意嘅專業造型師未必容易，但係以下20間髮型屋，一定有間幫到你！
一個適合你嘅髮型能夠提升你嘅個人魅力，令到你喺社交場合成為全場嘅焦點。無論你想食brunch 或者同朋友喺露天餐廳聚餐前簡單咁修剪頭髮，定係想為你喺交友 app 識嘅伴侶約會前改造一番，剪個煥然一新嘅髮型，我哋 Honeycombers 團隊一於為你精選全香港15間最高質嘅髮型屋–––包括迷你沙龍同大型連鎖髮型屋。
香港至優質嘅髮型屋喺邊度？
1. Glow Spa & Salon
Glow Spa & Salon 係一間時尚又舒適嘅髪型屋。位於中環嘅核心地帶，Glow 係追求專業造型同奢華護理療程嘅人嘅首選。佢嘅團隊擁有多年嘅國際級經驗同培訓，能夠掌握最新嘅潮流趨勢同技術，令你可以放心將你嘅新造型交比佢哋。從平衡髮質護理到角質蛋白護理，再由接髮到精準嘅修剪療程，佢哋都能夠滿足到你嘅需求。 Glow 嘅髮型師更會花時間了解你嘅個人風格同喜好，為你打造出最啱你嘅 look。
Glow Spa & Salon：中環威靈頓街1號荊威廣場8樓，電話：2525 5198
2. Blonde Boudoir
喺蘇豪嘅 Blonde Boudoir 剪完頭髮之後，你嘅心情會同你嘅新髮型一樣咁靚！Blonde Boudoir 香港分店由德國人 Felix 主理，以佢二十幾年嘅造型師經驗帶領團隊，令到團隊手藝可以不斷提升。無論你想指定啲咩髮型或者髮色，Blonde Boudoir 團隊都能夠幫你打理好。除咗有專業嘅服務，職員都好友善。呢度仲提供咖啡、雞尾酒等等嘅飲品同唔同類型嘅雜誌俾客人免費享用。
想了解更多嘅話，可以參考我哋嘅 Blonde Boudoir 點評（英文版）。
Blonde Boudoir：中環閣麟街13-17號國麟大廈8樓，電話：6804 5737
3. W52 Hair • Nails
於2018年成立嘅 W52 Hair • Nails，係中環一間專業嘅髮型屋同美甲中心。佢哋提供嘅服務範疇廣泛，由基本修剪到巴西捲、特殊色染、highlight 等等。喺老闆 Gary Ryan 嘅帶領下，呢度嘅團隊由來自世界各地嘅專業髮型師組成，其中包括曾經喺香港開設髮廊 O2 Hair Studio 超過二十年嘅Rudy。憑住佢哋豐富嘅經驗，你肯定可以信任 W52！
W52 Hair • Nails：中環雲咸街52號W Place4樓全層，電話：2217 0644
4. La Provence Hair Salon
呢間迷你髮型屋隱藏喺愉景灣入面。為咗凸顯每個客人嘅個人特色，店主 Isaac 都會細心評估客人嘅膚色同臉型，從而設計出合適嘅髮型。另外，店入面長期擺放住最新嘅潮流雜誌，有舒適嘅空間。幾個鐘，眨吓眼就過啦！
La Provence Hair Salon：愉景灣愉景廣場C座五樓522室，電話：6621 2517
5. Aveda
信奉印度 Ayurveda 教條嘅 Aveda 一直都堅持使用純淨嘅有機產品。由於佢哋嘅品牌使命係保護生態，因此無論係頭髮打理定係身體護理，Aveda 都淨係會沿用可持續性產品。
想了解更多嘅話，不妨睇睇我哋嘅 Aveda 點評（英文版）。
Aveda 喺香港各區都有分店。
6. Toni & Guy
成立於2013年嘅 Toni & Guy，旗下嘅 Toni & Guy Academy 都出咗唔少高徒，一直以嚟都用最頂級嘅產品同專業嘅手藝服務客人。佢哋唔單止會為你打造專屬嘅髮型，仲會結合埋最新嘅潮流為你訂製個性造型。除咗喺中環2021年尾新開嘅旗艦店之外，Toni & Guy 集團嘅髮型屋更加遍佈全球，多年嚟贏得唔錯嘅口碑。
Toni & Guy：中環遮打道10號太子大廈3樓317室，電話：2801 7870
7. Love Hair
定位為中環迷你髮型屋嘅 Love Hair 其實係一間熱心減低碳排放嘅企業，除咗堅持用天然產品之外，佢哋亦都會將污水過濾重用。Love Hair 嘅造型師團隊嚟自全球各地，例如香港、英國、紐西蘭、澳洲等等。呢度嘅環境溫馨怡人，內部裝潢亦都非常之摩登。
想了解更多嘅話，歡迎參考我哋嘅 Love Hair 點評（英文版）。
Love Hair：中環威靈頓街99F號1樓，電話：2458 0190
8. AM_Hair Studios
講到染髮，MC Wu 絕對係香港嘅王者！創辦 AM_Hair Studios 嘅 MC 尤其擅長將亞洲人嘅深色髮色完美漂白，再染成任何顏色。銀白色又得，玫瑰金亦得，得咗！由優美嘅漸變色到生動嘅彩虹色，再到最難搞嘅灰金色同美人魚綠色，對呢位染髮專家嚟講都只係小菜一碟！
AM_Hair Studios：尖沙咀寶勒巷4號金帝行2樓，電話：2984 7288
9. Shhh Salon
想要專人為你打造獨一無二嘅剪髮同護髮體驗？位於中環嘅 Shhh 能夠幫你。呢間髮型屋只會接受預約，而所使用嘅產品亦都要經過創意總監 Marvin Lin 嘅精挑細選。Shhh 團隊曾經服務過唔少世界各地嘅大明星同皇室成員，由此可見，佢哋嘅造型技術絕對值得信賴。
想了解更多嘅話，可以參考我哋嘅 Shhh Salon 點評（英文版）。
Shhh Salon：中環荷李活道118-120號地下，電話：2915 1001
10. Hair Do
如果你想享用最高質嘅日本理髮產品同染髮劑嘅話，下次剪頭髮，就去 Hair Do 啦！前身為「Chicca」嘅 Hair Do 喺2022年初改頭換面，喺中環開咗 Hair Do 1st 同喺銅鑼灣開咗 Hair Do 2nd。呢間連鎖髮型屋提供友善嘅服務同氣氛，所以一直以嚟都擁有唔少回頭客。團隊大多數都係日本人，擅長幫客人打造最潮嘅日系髮型。如果客人唔滿意自己新嘅 look，佢哋甚至可以喺一個星期之內要求改款，認真夠曬體貼！
Hair Do 喺中環同銅鑼灣都有分店。
11. Private i Salon
1996年成立嘅 Private i Salon 足跡遍佈全港，有好幾間分店。佢哋嘅團隊都用 Milbon & Lebel Cosmetics 等日系專業頭髮造型嘅產品，會比起其他歐美品牌更加適合我哋亞洲人嘅髮質。除咗頭髮護理，Private i Salon 亦都有提供美甲同化妝服務㗎！
Private i Salon 喺香港各區都有分店。
12. Il Colpo Group
作為香港數一數二嘅豪華沙龍，Il Colpo Group 自1987年以嚟一直都受到唔少明星追捧。佢哋唔單止喺香港有分店，喺中國內地好多省份亦都有分店添。除咗走喺潮流尖端嘅髮型設計服務之外，你仲可以在佢哋嘅各間商店入面享受美甲同 spa 添！
Il Colpo Group 喺香港各區都有分店。
13. Red Hill Hair Salon
Red Hill 喺各種髮型設計方面都做得好出色，而佢哋嘅染髮服務更加係亮點之一。屢獲殊榮嘅造型師團隊可以為你提供你想要嘅任何髮色，仲有 NuWave 同 Kerasilk 等等嘅附加服務。想試一個全新嘅造型嘅話，即管包喺 Red Hill 身上啦！
Red Hill：九龍城賈炳達道128號九龍城廣場LG層16-17號舖，電話：2383 8829
14. Indulgence
想完全放鬆身心，獎勵一下自己嘅大家不妨去 Indulgence。由簡單嘅洗剪吹，到奢華嘅巴西角蛋白護理，你所有的頭皮同頭髮護理都會受到最貼心嘅照顧。另外，Indulgence 同時係一間水療中心，俾你可以輕鬆享受面部護理、腳底按摩或者全身按摩，幫你恢復活力。
Indulgence：中環雲咸街8號5樓，電話：2815 6600
15. Bruneblonde
準備好去 Bruneblonde 嘆世界啦！呢間頂級香港髮型屋將巴黎嘅魅力帶入香港。賓客會被邀請到髮廊入面華麗嘅私人房間，一邊享受療程，一邊品嚐法國嘅靚酒同美食。著名創辦人 Roland Boutin 同 David Gouygou 係兩位嚟自巴黎嘅美髮專家，都會喺 Bruneblonde 親自站台，為你提供時尚嘅髮型同造型設計。另外，Bruneblonde 採用高級天然產品，特別呵護你嘅髮絲。
Bruneblonde：灣仔港灣道1號香港君悅酒店閣樓，電話：2511 3988
16. Hair Culture
自1999年開業以嚟，Hair Culture 已經將佢嘅業務由香港擴展到台北（甚至多倫多！），係好多明星嘅首選髮型屋。你可以決定由造型師或者老闆本人為你訂製髮型。服務包括頭髮護理、染髮同燙髮，另外可以預訂專業嘅化妝同美甲服務添！
Hair Culture 喺尖沙咀同中環都設有分店。
17. Lab Hair
頭皮護理、新娘造型、Paimore 熱療、挑染…… 只要你試一次 Lab Hair 嘅優質服務，你一定會被自己嘅全新造型驚艷到！Lab Hair 由專業韓國髮型師主理，提供各式各樣嘅服務，全部都著重提升頭髮質素。Lab Hair 嘅價格亦都相對親民，對想搵高質又高 CP 值嘅韓式髮型屋嘅各位，絕對係一個出色嘅選擇。
Lab Hair：銅鑼灣駱克道496-498號合亞廣場3樓，電話：2363 1999
18. Hair Blossom by Korean
將你嘅髮型安心咁交俾 Hair Blossom by Korean 經驗豐富嘅髮型師照顧啦！呢間香港髮型屋使用韓國嘅頭髮護理產品同技巧，而且提供各種燙髮服務，例如韓式燙髮、燙髮根、角蛋白護髮療程等。有超過20年經驗嘅髮型總監仲可以幫你設計全新嘅髮型添！如果你想喺香港體驗吓經典嘅韓式造型，Hair Blossom by Korean 值得一試。
Hair Blossom by Korean：中環德輔道中168號 E168 6樓，電話：5113 2421
19. Sozo Hair Design
呢間日式髮型屋將悠閒嘅氛圍帶到蘭桂坊。除咗提供基本嘅洗剪吹，Sozo Hair Design 仲提供數碼曲髮、駁髮，同埋專為你度身訂做嘅護髮治療，例如獨家嘅 S-Aqua Beauty 就係專門為30歲以上嘅女性增加髮絲亮度嘅特別療程。佢哋嘅髮型師亦都會專心聆聽你嘅需求，幫你塑造出最適合你嘅造型。剪頭髮之餘，你仲可以做善事添——Sozo 可以幫捐你嘅頭髮畀慈善機構。
Sozo Hair Design：中環雲咸街34號世界商業大廈3樓，電話：2353 5025
20. Aube
喺日本有超過200間分店嘅 Aube 係一間人氣過江龍髮廊，至從喺銅鑼灣開店之後，一直為香港人提供優質嘅東京風美髮護理。無論你想剪頭髮、染頭髮、燙髮定係護理，Aube都會以由日本直送嘅高質素理髮產品為你打造出最迷人、最有魅力嘅髮型！Aube 嘅專業造型師都擁有豐富經驗，能夠為頭髮同皮膚容易敏感嘅人提供合適嘅修髮同護髮療程。
Aube：銅鑼灣百德新街57號海華大廈1樓B室，電話：2576 9800
[本文原於2018年5月出版，並於2024年由李綺婷更新。]
