踩住塊板都算係極限運動？唔好睇少佢呀！去去香港以下嘅滑板場同滑板公園同其他板仔觀摩切磋吓啦～
除咗行山同去返最近重開嘅健身室同泳灘，大家又有冇試過香港其他運動同康樂設施呢？而其中一個近年最熱門嘅運動場所就係滑板公園嘞。儘管香港地方唔大，實際上我哋有十幾個滑板場座落喺呢座城市，更加有幾個係達到國際級別㗎！無論你係滑板新手定係 B-boy 擁躉，以下嘅香港滑板公園同滑板場都會令您樂而忘返。
香港至潮滑板公園、滑板場
1. 香港單車館公園——將軍澳滑板場
香港單車館公園入面嘅極限運動場係香港最高質嘅滑板公園之一。呢度有各式各樣嘅坡道、斜台、槓台同梯級。你仲可以搵到飲水機、帶淋浴設施嘅更衣室、急救室等嘅設備。另外，呢個滑板場座落喺公園裏面，所以周圍環境優美，甚至有翠綠嘅草坪，俾大家可以在運動前後小憩片刻。
香港單車館公園：將軍澳寶康路105-107號
2. 安樂門街遊樂場
雖然安樂門街遊樂場距離市中心遠啲，但係佢勝在開放時間比較長，一直到夜晚十一點先熄燈，啱晒各位夜貓！呢個耗資足足$5,100萬嘅滑板公園有三個碗型設施，仲有斜台、欄杆、槓台同梯級。呢度亦都有泛光燈、飲水機、蔭棚同急救室，設備非常之齊全㗎。
安樂門街遊樂場：粉嶺安樂村安樂門街
3. 蒲崗村道公園
被譽為世界級滑板公園嘅蒲崗村道公園，係悉尼著名嘅邦代海灘滑板場嘅復刻品。呢個公園除咗係各項國際專業滑板賽事嘅場地，亦都為使用者提供三個坡度不一、難度各異嘅碗型同半管道型場地。記得要帶齊自己嘅防護裝備啊！
蒲崗村道公園：鑽石山蒲崗村道140號
4. 荔枝角公園
荔枝角公園一般人流唔多，而且佢嘅滑板平台被劃分為三個區域，方便初學者、中等級同經驗豐富嘅滑板愛好者分開嚟玩。另外，呢個滑板場有四分之一管坡道、迷你坡道、基本嘅公園設施等等。
荔枝角公園：荔枝角荔灣道1號
5. 青衣東北公園
青衣東北公園係市內比較新嘅公園之一。公園裏面有足球場、海濱長廊、排球場、單車徑等等好多唔同嘅運動同康樂場地，保證你半日都玩唔晒！佢8字形嘅滑板公園更加是超級寬闊，有各種各樣嘅坡道。難怪唔少板友都鍾意嚟呢度啦～
青衣東北公園：青衣担桿山路10號
6. 摩理臣山道遊樂場
想喺港島區搵個滑板場？摩理臣山道遊樂場有香港歷史最悠久嘅滑板場之一。雖然佢嘅滑板坡道更加似條單車徑，但係呢度亦都設有類似減速帶嘅小坡道，仲有欄杆同埋平台，適合各位滑板初哥。
摩理臣山道遊樂場：灣仔崇德街/摩理臣山道交界
