搬屋搞到頭都大埋？唔使緊張，以下嘅香港搬屋公司一定會減輕你嘅負擔。
大箱細箱，咁多嘢執，搬屋真係夠晒呢 hea！無論你係要搬 office，定係屋企裝修，抑或是換季嘅時候想將啲衫褲鞋襪留喺迷你倉，以下呢幾間香港同國際搬運同搬屋公司都會滿足晒你所有需要。
香港最佳搬屋公司
1. UniGroup Asia
要搬屋或者搬去新嘅辦公室？UniGroup Asia 可以幫到你。呢間國際知名嘅搬運公司營運超過60年，喺全球180個國家都有分店，信譽良好。無論你係喺香港境內搬屋定係移民外國，團隊都會秉承著「顧客至上」嘅原則，為你提供最貼心嘅服務。另外，UniGroup 致力於減少對環境嘅影響。除咗重用儲物箱之外，呢間公司以都會積極參與植樹造林嘅計畫。如果你正係搵緊高質兼且有環保意識嘅搬屋公司，UniGroup Asia 絕對會係最佳選擇。
用我哋嘅專屬碼 HCXUniGroup，存倉費每月可享有9折優惠！
了解更多關於 UniGroup Asia。
2. Trade Winds Transport
喺1991年創立嘅 Trade Winds Transport 一直為香港居民同外籍人士提供高品質嘅搬屋服務。呢間公司採用透明嘅價格結構，確保你可以享有最合理同符合預算嘅方案。客戶可以享受專業嘅搬運、打包同運輸方面嘅全力協助。
Trade Winds Transport，尖東科學館道1號康宏廣場17樓1715室，電話：2803 2561
3. 高永搬屋
高永搬屋透過唔同種類嘅搬運服務嚟提供價錢合理、高效率而且安全嘅物流。除咗本地搬遷同國際移民之外，高永搬屋仲可以幫你進行傢俬存倉同家具轉售添。團隊會親自上門報價，估算搬遷所需要嘅時間同成本，兼且留低包裝物資俾你。
了解更多關於高永搬屋。
4. 人人搬屋
人人搬屋自1960年起服務香港，係一間屢獲殊榮嘅本地搬屋公司。除咗有免費嘅包裝材料同 PVC 膠膜之外，公司仲會提供專業嘅家具組裝同拆卸服務。只要喺佢哋嘅網站上面填寫一個簡單嘅表格，你就可以獲得即時報價同埋公司嘅確認。
人人搬屋，葵涌石蔭大圓街11-13號同珍工業大廈B座2樓208室，電話：2388 6883
5. Allied Moving Services
擁有全球最大搬遷網絡嘅 Allied Moving Services，業務橫跨45個國家、超過600個地點，並且屢獲殊榮，非常值得信賴。無論你係搬去香港其他地區定係移民外國，Allied 都能夠提供專業嘅搬運服務，安全同高效率地運送你嘅財物。顧客仲可以享用包裝服務、安全嘅儲存設施、全面嘅保險、代客泊車、上門搬運等等多項服務。
計畫搬屋嘅你，即刻前往 Allied 嘅網站或者致電團隊，獲取免費報價啦！
Allied Moving Services，灣仔軒尼斯道256號 The Hennessy 19樓，電話：2736 6032
6. 嘉栢搬遷 (Crown Relocations)
呢間公司提供一系列嘅搬運前嘅準備同售後服務，包括視像諮詢、物品包裝、家具設置等等。
講起搬屋公司，我哋又怎可以錯過國際性嘅嘉栢搬遷 (Crown Relocations) 呢？嘉栢搬遷嘅業務遍布全球，係搬屋移民嘅最佳選擇之一。由運輸同存儲再到拆箱，每位客戶都會由專屬嘅搬遷經理負責，確保你順利過渡每一關。另外，嘉柏仲提供共享貨櫃運輸服務，係更經濟嘅選擇。準備好開始搬屋？打電話聯絡嘉柏搬遷嘅專家顧問（2636 8399），又或者 Whatsapp 佢哋（6971 2376）啦！
了解更多關於嘉栢搬遷。
7. 七海國際 (Seven Seas Worldwide)
喺90年代中期創立嘅七海國際係最負盛名嘅國際搬屋公司之一，喺香港都設有業務。憑藉著自己集團佈滿全球嘅航運網絡，七海國際無論係幫客人搬屋，抑或係存放個人物品、家居用品同超重行李方面，都堪稱專家！呢間公司提供一系列嘅服務，包括托運行李、國際搬屋，甚至會為學生提供額外嘅優惠。另外，七海國際獨有嘅迷你海運集裝箱「移動木櫃」（MoveCube），可以幫你搬運唔同嘅大型物件同傢俬，提供省錢又省力嘅點到點搬屋服務。
了解更多關於七海國際。
8. Gogox
前身為 Gogovan 嘅 Gogox，係香港最值得信賴嘅物流公司之一。Gogox 提供咗一個適用於 iOS 同 Android 嘅 app，俾你可以即刻搵到附近合適嘅車嚟幫你運送物品。車嘅尺寸由小型貨車到9噸卡車不等，夠晒大架，你仲可以加額外嘅費用攜帶寵物添！
了解更多關於 Gogox。
