現代科技日新月異——連鑽石都可以「種」出嚟！實驗室培育鑽石同香港人造鑽石都可能成為你下次買珠寶首飾時嘅首選。
無論你希望訂製首飾，定係搵緊頂級珠寶設計師嘅精緻產品，實驗室培育鑽石（或人造鑽石）都應該成為你嘅首選材料。點解？因為實驗室培育鑽石唔單止價格更為親民，而且同傳統鑽石嘅採礦過程相比，喺實驗室培植鑽石對環境嘅影響較少，可持續性較高。另外，人造鑽石方便買家追溯來源，生產過程亦都無衝突，比血鑽較為道德。最重要嘅係，培育鑽石同天然鑽石具有一模一樣嘅物理特性，同樣閃爍動人，單靠肉眼難以分辨！做一個負責任嘅消費者，考慮吓以下嘅香港實驗室培育鑽石。
香港人造鑽石、實驗室培育鑽石推介
1. Niya K
講到鑽戒，當然係夫妻檔嘅 Niya K 最可靠啦！佢哋可以幫你搵到設計最精美、價格最實惠嘅培育鑽石，製造令人驚艷嘅首飾同訂婚戒指。Niya K 提供個人諮詢服務，引導你根據自己嘅偏好同預算，揀出最合適嘅鑽石同設計。除咗人造鑽石之外，呢個品牌亦都售賣天然鑽石珠寶，而且保證火速交貨，唔怪之得好評如潮！
Niya K：尖沙咀河內道5號普基商業中心905室
2. Lab Grown Diamonds Centre (by M&B Private Jewelers)
天然鑽石同培育鑽石兩者之間究竟邊個好啲？揀唔落手嘅話，why not both！M&B 同鑽石界龍頭品牌 Diamond Foundry 合作成立咗 Lab Grown Diamonds Centre（實驗室培育鑽石中心），以滿足香港對可持續珠寶嘅需求。憑藉 Diamond Foundry 嘅尖端技術，呢間中心專門打造既迷人又時尚嘅培育鑽石，畀你無需喺品質或者良知上作出妥協！無論你想要一隻優雅嘅結婚戒指，定係一份能夠表達心意嘅禮物，M&B 都可以為你提供最優質奢華嘅鑽石珠寶。
Lab Grown Diamonds Centre (by M&B Private Jewelers)：中環威靈頓街33號 The Loop 1樓
3. Gentle Diamonds
Carat London 旗下嘅 Gentle Diamonds 系列擁有獨特嘅珠寶飾品，採用可持續嘅實驗室培育鑽石。呢啲寶石同血鑽望落相似，但係其實係100%認證為無衝突鑽石，避免咗唔道德嘅採礦工程。閃令令得嚟又環保、道德，絕對係天然鑽石理想嘅替代品。
喺香港 Lane Crawford 採購 Gentle Diamonds。
4. Lark & Berry
成立於2018年嘅 Lark & Berry 喺短短幾年內已經建立咗佢「真・可持續」嘅聲譽。作為最早喺精品珠寶中使用實驗室培育鑽石嘅先驅之一，Lark & Berry 一直堅守原則，創造出無衝突、環保同可持續發展嘅寶石。呢啲鑽石同天然鑽石擁有相同的嘅物理同化學性質，同時照顧人類同地球，係珠寶首飾材料嘅不二之選。
了解更多關於 Lark & Berry。
5. Vrai
總部位於美國嘅 Vrai 係另一個標榜可持續發展珠寶嘅精品品牌，以極簡設計而飽受歡迎。如果你正喺香港搵緊訂婚戒指，可以同 Vrai 嘅鑽石專家預約線上會議，解答你有關實驗室培育鑽石嘅所有問題，並討論你嘅訂製戒指設計。通過呢個品牌，你可以物色任何風格或切割形式嘅鑽石，而且全部都以零排放嘅方式培育。
了解更多關於 Vrai。
