無論你係影視發燒友，定係搵緊心水嘅家居娛樂裝置，AV Life 生活影音嘅 LG 電視系列都會係你嘅必然之選！
大家今年係咪多咗留喺屋企呢？我哋絕對係！所以投資喺一部好嘅電視機，喺而家比起其他任何時候嚟得更加重要。如果你想換部靚靚新電視，或者打造自己夢想中嘅家庭影院，咁你就嚟啱地方嘞，因為 AV Life 生活影音會幫你打點好一切，特別係佢哋最新引入嘅一系列 LG 電視。
香港優質一站式視聽連鎖店：AV Life 生活影音
Levelling up your home theatre? Let AV Life 生活影音 take care of all your audiovisual needs. #AVLife #生活影音 #LG #LGTV #LifesGood
Posted by Honeycombers Hong Kong on Monday, December 13, 2021
AV Life 生活影音——睇個名都知道呢個牌子對所有有關 AV (audiovisual) 視聽娛樂嘅嘢都好專業啦。喺2002年開業嘅 AV Life 致力透過各式各樣嘅視聽產品俾你享受最高質嘅家居娛樂體驗。過去二十年，AV Life 生活影音已經成為香港最可靠嘅視聽連鎖店之一，而且喺全港有成十間分店，分佈喺中環、尖沙咀、沙田等等嘅樞紐，總有一間喺你左近。住得遠少少嘅各位都唔洗擔心，因為 AV Life 亦都有提供線上購物服務，仲可以安排免費標準送貨添！
喺 AV Life 生活影音搵啱你心水嘅 LG 電視
如果你搵緊一部最優秀嘅電視機嚟提升你喺屋企嘅影視觀賞體驗嘅話，AV Life 引入嘅 LG 電視系列就係你嘅不二選擇。LG 喺 2021 年推出嘅皇牌型號包括 OLED 88Z1、77G1、65C1、48C1 同埋 65 吋 Nano86。
影迷首選：LG OLED 88Z1
LG 旗艦級嘅 Signature 8K OLED Z1 電視有極具氣派嘅尊貴座架設計，螢幕仲超大，成 88 吋，可以呈現到更加立體真實嘅畫面。不過，佢嘅屏幕部分又能夠淨係得 7.8 毫米厚咋喎！當然，OLED 電視出名超薄，但係你又知唔知點解可以做到咁嘅效果呢？其實係因為 OLED 電視係自發光電視，而唔係好似液晶電視一樣咁用背光技術。LG Z1 嘅 OLED 屏幕唔單止可以顯示完美純黑，仲有最高度嘅細節同色彩對比度，呈現出真正 8K 解像度。
另外，LG 8K OLED 電視仲配備咗新一代嘅軟件同人工智能，可以喺屋企都準確重現到戲院螢幕嘅畫面。配置升級到第四代嘅 α9 8K 影像處理器，具備深度學習同分析力，可以透過分析影視原始內容，將 2K 或者 4K 嘅畫面提升至 8K 嘅質素，仲達到 100% 色彩還原度添！
G is for Gallery！LG OLED 77G1
鍾意藝術同美學嘅你，LG 嘅 Gallery OLED evo TV G1 系列就至啱你嘞。透過融入 OLED 技術，僅 19.9 毫米厚嘅 G1 電視可以俾你安裝喺牆上面，就好似喺畫廊入面掛起嚟嘅油畫藝術品一樣，無縫貼合牆身。同你屋企裝飾風格完美結合嘅 LG G1 電視，會提升任何空間嘅美感同和諧感。你甚至可以加買一個超薄無縫掛牆架、座檯架或者油畫式支架 (Gallery Stand)，收返埋啲電線，令成個空間更加整齊亮麗，充滿美感。
遊戲迷必買：LG OLED 65C1 and 48C1
想升呢？用 LG OLED C1 系列嚟優化屋企嘅電玩系統啦！呢個系列嘅 4K OLED 屏幕可以呈現完美純黑，加上亮麗嘅色彩、對比度同細節，都令到遊戲同動畫嘅畫面更加突出，效果比一般液晶電視甚至 MiniLED 更出色。另外，C1 系列有高達 120Hz 嘅屏幕刷新率，並獲得技術認證，即使你用超大屏幕玩任何類型嘅電競遊戲都可以享受無閃屏、無撕裂同無延遲嘅遊戲體驗。而且 C1 屏幕唔單止可以支援 HGiG，可以用嚟連接任何新世代嘅遊戲主機，佢仲有埋全新嘅 Game Optimiser 同 Dashboard 模式，俾你一個摯就可以睇到晒輸出嘅遊戲模式同數值，輕鬆控制兼掌握唔同嘅遊戲設置。
擔心仔囡眼睛健康嘅各位爸爸媽媽亦都唔使驚，因為 LG 嘅 OLED 電視都有低藍光舒眼顯示認證，而 2021 年嘅最新系列甚至有埋護眼屏幕功能，俾你可以進一步調校藍光強度，更加有效咁保護對眼。
至荀推介：LG Nano86
若要講 CP 值最高嘅電子產品，就非 LG 嘅 NanoCell 電視系列莫屬喇。價錢相對實惠，但係質量上面依然有絕對嘅保證，因為 NanoCell 技術可以有效咁過濾同提升色彩，所以喺屏幕上面可以 show 出更加純淨同準確嘅顏色。融合咗呢種技術同真正 4K 解像度嘅 LG NanoCell 電視，可以提供比標準高清屏幕更加清晰同逼真嘅畫面㗎！另外新增嘅配套仲包括 Filmmaker Mode，俾你可以體驗到原始電影效果；Dolby Vision IQ 同 Dolby Atmos，可以增加影音臨場感。同時，LG NanoCell 電視亦都支援 Miracast、AppleTV+、AirPlay2 同 HomeKit ，俾你可以盡情享受最新電影同電視娛樂節目。
嚟 AV Life 生活影音享受舒適嘅購物環境同專業嘅服務
喺 AV Life 嘅鋪頭入面有琳琅滿目嘅頂級產品，由展示各樣生動影像嘅大屏幕電視，到劃時代嘅娛樂音響組合，所有產品都經過一番精心嘅挑選同佈置，店鋪簡直可以媲美一間現代藝術畫廊！而為咗幫你好好揀選心儀嘅貨品，你仲可以喺視聽專區裡面以最佳距離同觀賞角度盡情體驗大電視同各樣專業器材帶嚟嘅完美影音享受添。
另外，AV Life 友善嘅團隊會喺你到訪實體店嘅期間提供客觀又專業嘅建議。憑藉佢哋全面嘅產品知識同豐富嘅經驗，顧問團隊會根據你屋企嘅擺設、尺寸同個人喜好推薦最啱你嘅產品俾你。AV Life 亦都提供優質嘅售後服務。由上門設置、安裝同現場勘查，到個人化服務、顧客反饋同技術支持，AV Life 都會確保你喺自己屋企都同樣享受得到喺店舖入面體驗到嘅高級視聽效果，咁就唔會貨不對辦啦！
想親身體驗吓以上嘅 LG 電視同其他 AV Life 生活影音嘅產品？你可以去任何一間 AV Life 嘅分店，或者上網買都得㗎！
此帖由 AV Life 生活影音贊助
