比婚禮策劃搞到暈陀陀？無論係豪華豐富嘅自助餐，定係簡潔雅致嘅雞尾酒招待會，以下嘅香港婚禮到會服務都可以幫到你！
除咗預訂理想場地、聘請婚禮策劃師同訂購最靚嘅花束之外，揀啱心水嘅婚禮到會餐飲服務亦都係打造完美婚禮嘅重要環節之一。無論你希望有簡易但不失優雅嘅熟食冷肉芝士拼盤、豐盛嘅自助餐，定係高級嘅 fine dining 晚宴，呢啲香港婚禮到會餐飲服務都可以滿足你嘅需要！
推介全港最 top 婚禮到會餐飲服務
1. La Casa Catering
優質到會公司 La Casa Catering 明白到婚禮日嘅意義非凡！為咗可以畀你輕鬆同伴侶珍惜每一刻，La Casa Catering 提供全面嘅餐飲服務同美食外賣速遞服務。由送達美食，到精心用華麗嘅花飾佈置場地，再到最後嘅清理工作，專業嘅團隊都會喺幕後細心打點一切，幫你打造夢想婚禮。呢間高級婚禮到會公司嘅婚禮到會套餐以精緻嘅食物作為賣點，包括小巧嘅一口小食同特色飲品，例如無酒精雞尾酒，亦都可以根據你嘅需求，度身定制餐單。加上同本地各個婚禮場地嘅合作，La Casa Catering 絕對可以為你締造一站式嘅婚禮策劃體驗！
La Casa Catering：土瓜灣土瓜灣道94號美華工業中心B座8樓B08室，電話：3565 5708
2. Zebra Tasty
Zebra Tasty 致力以美酒佳餚令你嘅大喜之日錦上添花！專門炮製西餐嘅 Zebra Tasty 可以為每對新人提供個人化嘅餐單，滿足各種飲食要求。你亦都可以參考佢哋唔同嘅套餐，餐單包括以冷熱食同甜品為主嘅雞尾酒招待會、 fine dining 晚餐等。
Zebra Tasty：黃竹坑業勤街33-35號金來工業大廈25樓25R室，電話：3565 4120
3. Pomegranate Kitchen
搞婚禮規劃搞到頭都大埋？交畀 Pomegranate Kitchen 為你照顧餐飲美食啦！呢間婚禮到會餐飲公司屬於香港少數提供地中海同中東菜嘅公司之一，提供幾款婚禮餐單，包括三至四道菜嘅晚餐、自助餐，同不含酒精或含酒精嘅 free-flow 套餐。此外，Pomegranate Kitchen 嘅婚禮套餐亦都包埋佢位於黃竹坑嘅場地，畀你舉辦活動，非常方便。
Pomegranate Kitchen：黃竹坑黃竹坑道44號盛德工業大廈4樓4B室，電話：6192 2014
4. Canapes Wedding
顧名思義，Canapes Wedding 提供嘅主菜單係優質嘅小食。除咗肉醬烤麵包同迷你漢堡等常見嘅小食，佢哋亦都提供晚餐，宴會餐飲服務同飲料套餐，其中包括酒精飲品同無酒精飲品，而招牌嘅水果冰沙更加係夏季婚禮嘅完美搭配！另外，呢間婚禮到會餐飲公司亦都提供策劃服務同設備租借。
Canapes Wedding：火炭山尾街31-35號華樂工業中心A座4樓18室，電話：5224 4860
5. Food Foundry
Food Foundry 係一間專業婚禮到會餐飲公司，以一流嘅服務同美食而飽受歡迎。除咗炮製休閒嘅自助餐同高級晚餐之外，Food Foundry 亦都提供齊全嘅餐具、銀器、玻璃器皿，酒吧同自助餐設備的租借服務。
Food Foundry：黃竹坑黃竹坑道46號新興工業大廈4樓402室，電話：5668 5660
6. Relish
Relish 係活動同婚禮到會餐飲業內數一數二嘅品牌。佢哋嘅簡約歐陸式美食同團隊嘅專業知識可以為你嘅婚禮增添色彩。你可以先以雞尾酒招待會迎接你嘅賓客，然後邀請佢哋享用 Relish 豐富嘅美食，包括新鮮海鮮，甚至現場製作嘅 waffle！最後，喺開放式酒吧度暢飲美酒、雞尾酒同香檳，舉辦一場難忘嘅派對，為你嘅大日子畫上圓滿句號。
Relish：黃竹坑業發街6號益年工業大廈22樓D室，電話：3481 1924
