連姜B都叫大家預防 HPV，大家又 check 咗未呢～ 為咗幫大家作出最啱自己嘅選擇，我哋集合咗香港有提供 STD test 嘅各間診所。係時候好好照顧自己同身邊人喇！
即使而家已經係21世紀，亞洲人喺講起「性」方面嘅時候，比起外國人，感覺依然比較避忌，亦都好少會公開討論。但係性始終係我哋生活嘅一部分，亦都係影響健康嘅重要一環，大家又點可以唔理呢？無論你係搵緊另一半，定係已經準備緊同摯愛去嘆吓酒店，為咗方便大家，我哋整理咗一份我哋認為最值得信賴，並且有提供性病檢查服務嘅香港公共診所、非政府診所同埋私營醫療機構名單。如果你希望可以搵間可靠嘅診所定期做 STD test，呢個 list 就會幫你一眼睇曬所有選擇，冇有怕啦～
點解要做 STD test？
講起「性」呢家嘢，其實大家最驚都係一樣嘢㗎啫…… 冇錯，就係性病。根據衛生防護中心嘅資料，香港最常見嘅性傳播疾病有梅毒 (syphilis)、淋病 (gonorrhoea)、非淋菌性尿道炎（男）(non-gonococcal urethritis)、非特異性生殖器感染（女）(non-specific genital infection)、陰部疱疹 (genital herpes)、性病疣 (genital wart)、陰蝨 (pubic lice)、衣原體性尿道炎 (chlamydia)，同埋愛滋病病毒感染 (HIV/AIDS)。所以無論同邊個上床都好，性活躍嘅各位都應該接受定期嘅性病檢查 (STD test)，確保自己冇感染任何性病。老實講，邊個會貪玩走去做性病檢查丫？但係如果唔做，又有邊個可以承擔得起嗰個「萬一」呢？所謂預防勝於治療，大家都係乖乖哋去定期檢查一下啦。再加上香港周圍都有診所提供唔同價格嘅服務，都算任君選擇，所以真係冇得卸膊㗎。係時候 book 翻個期喇！
i) 公共診所
提供 STD test 嘅社會衛生診所
衛生署轄下嘅社會衛生診所都會為合資格嘅香港居民或香港身份證持有人提供免費性病檢測、治療同埋輔導服務。呢啲社會衛生診所有啲淨係提供服務俾男士或者女士，有啲就兩種服務都有。香港一共有四間現時提供服務嘅社會衛生診所，分別喺灣仔、觀塘、屯門同粉嶺。雖然好處係呢啲診所又抵，又唔使醫生轉診，但係佢哋就淨係接受 walk-in，所以大家最好預多啲時間去喇，同埋留意返：呢啲診所喺星期六、日同公眾假期都休息㗎。
1. 灣仔女性社會衞生科診所
灣仔女性社會衞生科診所：灣仔皇后大道東284號鄧志昂專科診療院7樓（男性社會衞生科診所位於6樓）（電話：3103 2400）
2. 容鳳書社會衞生科診所
容鳳書社會衞生科診所：觀塘茶果嶺道79號容鳳書紀念中心4樓 （電話：2727 8315）
3. 屯門社會衞生科診所
屯門社會衞生科診所：屯門屯利街4號屯門眼科中心5樓（電話：2459 2958）
4. 粉嶺社會衞生科診所
粉嶺社會衞生科診所：粉嶺璧峰路2號粉嶺健康中心6樓（電話：2639 1437）
柴灣社會衞生科診所（現時服務暫停）
柴灣社會衞生科診所：柴灣樂民道3號東區尤德夫人那打素醫院專科門診大樓地庫5樓西翼（電話：2595 7500）
油麻地女性社會衞生科診所（現時服務暫停）
油麻地女性社會衞生科診所：油麻地炮台街145號油麻地賽馬會分科診療所3樓（男性社會衞生科診所設於4樓）（電話：2388 6634）
ii) 非政府診所
香港家庭計劃指導會（家計會）
相信唔少人都有聽過家計會呢個組織。家計會係一個志願機構，喺香港唔同地方都設有診所，提供男性同女性嘅健康服務，包括性病普查。不過，家計會淨係接受預約，而且喺假期期間都會特別 full，所以大家記得提前 book 喇。
再睇睇家計會嘅服務同收費啦。佢哋有提供幾種唔同嘅 STD 檢查組合，其中包括女性/男性性病普查1（即血液化驗梅毒及愛滋病毒抗體），費用為$250起；女性性病普查2（即子宮頸拭子衣原體同淋病DNA測試、上陰道滴蟲同念珠菌化驗），費用為$550起；同埋男性性病普查2（即小便化驗衣原體抗原同淋病DNA測試），費用都係$550起。
如果你係未夠26歲嘅未婚女性，你可以用家計會嘅青少年保健服務進行上述嘅女性性病普查。唔使擔心，佢哋係絕對保密㗎。
提供男女性病檢查嘅家計會診所：
5. 荃灣診所
荃灣診所：荃灣青山道264-298號南豐中心16樓1621-1622室（電話：2742 8183）
6. 灣仔性與生殖健康中心
灣仔性與生殖健康中心：灣仔軒尼詩道130號修頓中心9樓（電話：2572 2222）
7. 馬頭涌診所
馬頭涌診所：九龍馬頭涌道105號1-2樓（電話：2572 2222）
只為女性提供性病檢查嘅家計會診所：
8. 元朗診所
元朗診所：元朗安寧路149-153號地下及1樓（電話：2477 3201）
9. 黃大仙診所
黃大仙診所：黃大仙下邨(二區)龍安樓1-2號地下（電話：2326 2447）
家計會青少年保健中心（只為26歲以下未婚女性而設）：
10. 灣仔青少年保健中心
灣仔青少年保健中心：灣仔軒尼詩道130號修頓中心8樓家計會賽馬會青Zone（電話：2575 4799）
11. 旺角青少年保健中心
旺角青少年保健中心：油麻地彌敦道573號富運商業中心13樓A室（電話：2770 4994）
12. 葵芳青少年保健中心
葵芳青少年保健中心：葵涌興芳路223號新都會廣場第2座七樓702-705室（電話：2443 2773）
13. 關懷愛滋（AIDS Concern）
「關懷愛滋」係香港第一個致力於愛滋病諮詢服務嘅 NGO，為男男性接觸者或25歲以下嘅青少年提供免費、不記名同絕對保密嘅 STD 測試服務，包括愛滋病病毒（抗原/抗體）快速測試、梅毒抗體快速測試、丙型肝炎抗體快速測試、以及淋病同非淋病性尿道炎（衣原體）尿液測試。僅限預約。
關懷愛滋：佐敦庇利金街14-20號富利商業大廈3樓B室「關懷愛滋」健康服務中心（電話：2394 6677）
14. 香港愛滋病基金會（HKAF）
如果你擔心自己感染咗愛滋病病毒、梅毒或者丙型肝炎，都可以考慮去香港愛滋病基金會進行抗體測試。好似「關懷愛滋」咁，HKAF 嘅檢測服務都係免費、不記名同絕對保密嘅。僅限預約。
香港愛滋病基金會：筲箕灣柴灣道8號筲箕灣賽馬會診所5樓（電話：2560 8528）
iii) 提供 STD 檢查服務嘅私營醫療機構 / 私家診所
15. Pulse Clinic
喺泰國成立嘅 Pulse Clinic，而家已經擴展到香港、新加坡同馬來西亞，致力推進各地嘅性健康教育同福祉。 Pulse Clinic 對 LGBTQ+ 群體友好，服務亦都非常之友善，所以係其中一間我哋最為推薦嘅診所之一。
Pulse Clinic：中環威靈頓街83號2樓（電話：2389 8250）
16. 可托醫療（AttoHealth）
呢間私營機構有幾個全科醫生，同埋一個專門提供美容護膚產品嘅醫美團隊。由一般家庭醫學諮詢到產前檢查，甚至私人救護車服務，可托醫療都應有盡有。
可托醫療喺中環同尖沙嘴都設有診所
17. 創健醫療（Neo-Health）
創健醫療致力於提供高質同全面嘅醫療保健服務。佢哋嘅 STD test 範圍廣泛，包括衣原體、淋病、梅毒、HPV、HSV、HIB、乙型肝炎等。
創健醫療：中環德輔道中19號環球大廈11樓1106室（電話：3160 4886）
18. SafeZone
專門提供各種有關性健康諮詢同檢測服務嘅私營機構 SafeZone 以佢哋全面嘅 DNA 同抗體測試最為受歡迎，總共篩查16種 STD。呢間診所本來喺尖沙咀嘅，不過現時就同創健醫療位於同一個地方。
SafeZone：中環德輔道中19號環球大廈11樓1106室（電話：3162 0002）
19. 嘉偉男士健康中心（MHS）
MHS 係一間男性健康中心，提供性病檢查同治療、驗身計劃、專家諮詢等嘅服務。你可以揀唔同類型嘅 STD test，例如抗體測試、抗原測試同 DNA 測試，價格由$300到$3,000不等。
嘉偉男士健康中心喺中環同尖沙嘴都設有分店
