搬屋搞到頭都大埋?唔使緊張,以下嘅香港搬屋公司一定會減輕你嘅負擔。
大箱細箱,咁多嘢執,搬屋真係夠晒呢 hea!無論你係要搬 office,定係屋企裝修,抑或是換季嘅時候想將啲衫褲鞋襪留喺倉庫,以下呢幾間香港同國際性嘅搬運同搬屋公司都會滿足晒你所有需要。
香港最佳搬屋公司
1. UniGroup Worldwide Moving
無論你係搬屋定係要搬去新嘅辦公室,UniGroup Worldwide Moving 都可以幫到你。呢間國際知名嘅搬運公司營運超過60年,喺全球180個國家都有分店,信譽良好。無論你係喺香港境內搬屋定係移民外國,團隊都會秉承著「顧客至上」嘅原則,為你提供最貼心嘅服務。另外,UniGroup 致力於減少對環境嘅影響。除咗重用儲物箱之外,呢間公司以都會積極參與植樹造林嘅計畫。如果你正係搵緊高質兼且有環保意識嘅搬屋公司,UniGroup Worldwide Moving 絕對會係最佳選擇!
UniGroup Worldwide Moving,葵涌興芳路223號新都會廣場第一座31樓3103室,電話:2418 4333
2. Allied Moving Services
擁有全球最大搬遷網絡嘅 Allied Moving Services,業務橫跨45個國家、超過600個地點,並且屢獲殊榮,非常值得信賴。無論你係搬去香港其他地區定係移民外國,Allied 都能夠提供專業嘅搬運服務,安全同高效率地運送你嘅財物。顧客仲可以享用包裝服務、安全嘅儲存設施、全面嘅保險、代客泊車、上門搬運等等多項服務。
計畫搬屋嘅你,即刻前往 Allied 嘅網站或者致電團隊,獲取免費報價啦!
Allied Moving Services,灣仔軒尼斯道256號 The Hennessy 19樓,電話:2736 6032
3. Gogox
前身為 Gogovan 嘅 Gogox,係香港最值得信賴嘅物流公司之一。Gogox 提供咗一個適用於 iOS 同 Android 嘅 app,俾你可以即刻搵到附近合適嘅車嚟幫你運送物品。車嘅尺寸由小型貨車到9噸卡車不等,夠晒大架,你仲可以加額外嘅費用攜帶寵物添!
了解更多有關 Gogox。
4. 人人搬屋
人人搬屋自1960年起服務香港,係一間屢獲殊榮嘅本地搬屋公司。除咗有免費嘅包裝材料同 PVC 膠膜之外,公司仲會提供專業嘅家具組裝同拆卸服務。只要喺佢哋嘅網站上面填寫一個簡單嘅表格,你就可以獲得即時報價同埋公司嘅確認。
了解更多有關人人搬屋。
5. 嘉栢搬遷 (Crown Relocations)
講起搬屋公司,我哋又怎可以錯過國際性嘅嘉栢搬遷 (Crown Relocations) 呢?呢間公司提供一系列嘅搬運前嘅準備同售後服務,包括視像諮詢、物品包裝、家具設置等等。嘉栢搬遷嘅業務遍布全球,係移民搬遷嘅最佳選擇之一。
了解更多有關嘉栢搬遷。
6. 高永搬屋
高永搬屋透過唔同種類嘅搬運服務嚟提供價錢合理、高效率而且安全嘅物流。除咗本地搬遷同國際移民之外,高永搬屋仲可以幫你進行傢俬存倉同家具轉售添。團隊會親自上門報價,估算搬遷所需要嘅時間同成本,兼且留低包裝物資俾你。
了解更多有關高永搬屋。
7. 七海國際 (Seven Seas Worldwide)
喺90年代中期創立嘅七海國際係最負盛名嘅國際搬屋公司之一,喺香港都設有業務。憑藉著自己集團佈滿全球嘅航運網絡,七海國際無論係幫客人搬屋,抑或係存放個人物品、家居用品同超重行李方面,都堪稱專家!呢間公司提供一系列嘅服務,包括托運行李、國際搬屋,甚至會為學生提供額外嘅優惠。另外,七海國際獨有嘅迷你海運集裝箱「移動木櫃」(MoveCube),可以幫你搬運唔同嘅大型物件同傢俬,提供省錢又省力嘅點到點搬屋服務。
了解更多有關七海國際。
8. Asian Tigers Group
作為全球數一數二嘅搬屋公司,Asian Tigers Group 服務範疇非常之廣闊。由綜合保險到溫控倉儲,Asian Tigers Group 都會為每一位客人提供專業嘅個人化服務。更重要嘅係,呢個集團會利用可回收材料,最大限度咁減少搬運同包裝所產生嘅碳足跡。
Asian Tigers Group,灣仔駱克道3號17樓,電話:2528 1384