自己嘅寵物病個陣，簡直心如刀割！好彩，以下幾間獸醫診所會為你同你嘅毛孩提供最好嘅照顧，幫佢哋早日康復。
有時候，我哋對自己嘅寵物可能仲好過對陌生人呀！無論你係一個新手鏟屎官，定係咁啱屋企有隻生病嘅毛球，以下嘅獸醫同寵物診所都值得記低，以備不時之需。有啲獸醫診所甚至開足24小時，俾大家喺半夜三更都可以急 call，為你嘅寵物提供最及時、最體貼嘅照顧添！
香港最可靠獸醫及寵物診所
1. NPV 動物醫院及獸醫診所
由非牟利獸醫動物協會（NPV）所經營嘅動物醫院同獸醫診所提供一系列服務，包括防疫保健、手術、門診、24小時緊急醫療服務，甚至有得照 X 光、CT 同 MRI。NPV 相信獸醫服務應該貧富共享，所以注重寵物同主人嘅福利之餘，仲有投入唔少社會資源，幫助流浪動物。另外，協會亦都會喺每個星期五同六喺粉嶺開設流動診所，以滿足新界居民同佢哋寵物嘅需要。
非牟利獸醫動物協會（NPV）喺太子同北角都設有中心。
2. 動物緊急醫療中心
「動物緊急醫療中心」，顧名思義，係專門提供深夜急救服務嘅獸醫診所，每晚9點至朝早8點都開放（包括公眾假期）。憑藉專業嘅獸醫團隊同先進嘅設備，呢間中心可以確保你的寵物即使係危急嘅情況之下亦都能夠得到最充分嘅治療。隸屬 Creature Comforts 之下嘅動物緊急醫療中心，最近亦都開始同東區24小時動物醫院攜手合作，提供更加全面嘅服務。
動物緊急醫療中心，筲箕灣道256號地舖，電話：2915 7979
3. 愛護動物協會（SPCA）
作為香港最出名嘅慈善團體之一，愛護動物協會（SPCA）喺各區都設有獸醫診所，由市中心地帶到比較偏遠嘅梅窩同長洲都有。SPCA 配備咗專業嘅醫療器材，有啲中心更加提供24小時緊急服務，兼且有兩間流動診所，分別用作診症同提供絕育手術服務。
愛護動物協會（SPCA）喺全港都設有獸醫醫療中心。
4. Pets Central
由門診到專科服務，Pets Central 嘅獸醫團隊都有廣泛嘅專科經驗同操作最先進儀器嘅技術。服務範疇包括針灸、牙科、腫瘤科、行為醫學、寵物美容、內科等等。我哋覺得 Pets Central 最優秀嘅地方在於佢哋建立咗一個線上平台，俾你可以用「遙距獸醫診症服務」同全球嘅專家進行虛擬諮詢，即使喺疫情期間足不出戶，都可以幫你悉心照顧小毛孩啦！
Pets Central 喺香港設有幾間診所。
5. 梟史丹尼獸醫診所
由 Hugh Stanley 博士領導的 Hugh 獸醫醫院憑藉其專業的服務和先進的醫療設施，成為香港最受推崇的獸醫診所之一。 除了提供科學診斷和治療外，該診所還優先考慮動物的舒適和福利。 這就是為什麼您會找到單獨的物種病房以減少住院壓力的原因； 定制諮詢室； 專用手術室； 超聲和 X 射線成像服務； 一系列內部實驗室設備； 還有更多在休博士的。
梟史丹尼獸醫診所，天后永興街2A號，電話：2380 0612
6. 蘇利宜動物醫院
搵緊香港最好嘅獸醫診所？一於去蘇利宜動物醫院啦。呢間寵物診所設有專門嘅外科病房、放射科同牙科病房，仲有驗血設備。另外，蘇利宜動物醫院甚至有一間帶有雙層玻璃嘅病房，可以盡量減少噪音，安撫對聲音敏感嘅貓貓，十分之體貼！
蘇利宜動物醫院，半山堅道130號，電話：2291 0065
